Ang Problema Ang pagkain ng tamang uri at dami ng pagkain ay karaniwang mahirap para sa isang batang mag-aaral.  Ilan sa mga kadahilanan ay: Hindi pagkain ng almusal dahil sa pagmamadali sa pagpasok sa eskwelahan Kawalan ng gana sa pagkain dahil sa             * dami ng gawain at paglalaro sa eskwelahan             * pagkawili sa tsitsirya, fries, chocolates, candies, softdrinks,                at iba pang matatamis             * pagsakit ng mga sirang ngipin

Masasamang Dulot

    Ang pagkain ng maling uri at dami ng pagkain (mas konti o mas marami kaysa sa pangangailangan ng katawan) ay maaaring magresulta sa alinman sa mag sumusunod na uri ng malnutrisyon:

• Kakulangan sa timbang
• Labis na Pagbigat ng Timbang
• Kakulangan sa Micrunutrient tulad ng:

            * Vitamin A Deficiency (VAD) na nagdudulot ng mahinang resistensya laban sa                impeksyon, paglabo ng mata ta posibleng pagkabulag ng bata.

            * Iron Deficiency Anemia (IDA) na nagdudulot ng pamumutla, panghihina, mabagal                na paglaki, at kawalan ng knosentrasyon sa aralin sa eskwelahan.

            * Iodine Deficiency Disorder (IDD) na nagdudulot ng goiter o bosyo sa leeg,
               pagkabansot, at pagiging mapurol ng pag-iisip.

Mga Dapat Gawin

1.  Maagang matulog at gumising para makakain ng almusal.

2.  Kumain ng masustansyang merienda gaya ng nilagang saba o kamote, gatas o katas ng prutas.

3.  Magbaon ng gulay para sa pananghalian gaya ng kamatis, pipino, letsugas, o karot.

4.  Magsama rin ng mga pagkaing nakalilinis ng ngipin tulad ng bayabas, manibalang na papaya, at
     tubo.

5.  Uminom ng gatas araw-araw para sa mabilis ng paglaki at malusog na mga buto at ngipin.

6.  Kumain ng ibat'ibang uri ng pagkain araw-araw.  Gamitin ang pyramid food guide bilang
     gabay sa pagkain.