|
Kumilos
Ka Naman!
Manonood
ka na lang ba ng TV maghapon, magdamag? Magko-computer ka
na lang ba lagi? Uupo ka na lang ba dyan? Kumilos,
gumalaw at mag-ehersisyo ng regular!
Kahahantungan
ng Physical Inactivity
Ang Physical
inactivity o kawalan ng gawaing pisikal ay:
|
- isa sa mga pangunahing
dahilan ng maagang pagtanda, pagkamatay at pagkakaroon
ng mga sakit at kapansanan;
- dino-doble ang tsansang
magkaroon ng sakit sa puso, alta presyon at diabetes milletus;
- isa sa mga pangunahing
dahilan ng obesity o sobrang pagtaba;
- lumalaki din ang tsansang
magkaroon ng kanser sa suso at sikmura, alta-presyon,
sobrang kolesterol, osteoporosis, pagkabalisa ng isip
at depression.
|
30 Minutes Lang
Araw-Araw
Tatlumpung (30)
minuto lang araw-araw ng paggalaw at pagkilos para sa kalusugan ang
kailangan, katulad ng:
- 30 minutong maliksing paglalakad
o brisk walking
- pag-akyat at pagbaba sa hagdan
- paglilinis at iba pang gawaing bahay
- paghahardin
- pagbibisikleta
- pagsasayaw
Para sa karagdagang benepisyo sa kalusugan,
ugaliin ang pag-eehersisyo ng hindi bababa sa 30 minuto, 3 hanggang
4 na araw sa isang linggo. Huwag kakalimutang mag-warm up
bago magsimula at mag-cool down pagkatapos.
Alamin ang angkop na gawaing pisikal
na bagay sa iyong katawan at kalusugan.
Kung mayroon kang kapansanan o sakit
na nararamdaman, kumonsulta muna sa duktor bago magsimula.
|
